شروط الاستخدام
الخدمة
بطاقات نت درعا بيبيع بطاقات اشتراك لشبكات الإنترنت المعروضة بالموقع. البطاقة هي اسم مستخدم وكلمة سر بتستعملهن بصفحة دخول الشبكة.
الطلب والدفع
- الدفع بتحويل شام كاش على الحساب الظاهر بصفحة الطلب، وبالمبلغ الظاهر فيها كامل.
- الطلب صالح 30 دقيقة. البطاقة بتتسلّم بعد ما يتأكد وصول التحويل.
- رقم العملية بيستعمل لطلب واحد بس.
- تحويل بمبلغ أقل من مبلغ الطلب بيتراجع يدوياً، وممكن يتأخر تسليمه. المبلغ الزايد ما بيرجع تلقائياً.
التسليم
البطاقة بتظهر بصفحة الطلب وبصفحة "بطاقاتي". إذا اندفع الطلب وما كان في بطاقات متوفرة، بتوصلك البطاقة أول ما ينضاف مخزون.
الاسترجاع
- البطاقة منتج رقمي: بعد ما تتسلّم وتظهر إلك، ما بتنرد.
- إذا البطاقة ما اشتغلت لسبب من عنا، منبدّلها ببطاقة تانية من نفس الباقة.
- إذا حوّلت وما استلمت بطاقة، راسلنا مع رقم الطلب ورقم العملية لنحلها.
حسابك
حسابك مربوط برقم موبايلك. إنت المسؤول عن كلمة السر تبعك، وعن البطاقات المحفوظة بحسابك.
إساءة الاستخدام
ممنوع عمل طلبات وهمية، أو تجريب أرقام عمليات مو إلك، أو أي محاولة للتلاعب بالدفع. منوقف أي حساب بيعمل هيك.
التواصل
لأي سؤال: راسلنا واتساب.